JONI PLEASE DON'T CRY

Nipui khawlum in hersuok hunlai tak 3th July ahung in hersuok meu chun Joni ta dinga hun inchiktlak tak, a piengchampha vawi 15 na lawm ding chun a ruol le pai hai, a u le nau hai chu Joni hai inhluo na tieng chun an pan sau sau a lai chun Garage a inthawk chun Joni hai inkawla tlangval piengken mawi em em Jimmy chu hmel hlim sieu chun, Birthday thilpek leh chun Joni kawl tieng chun a hung a. "Happy Birthday dear Joni" ti malam chun a thilpek  hlutak rose par inbawm chuoi el chu peiin insung tieng chun an pahni chun an luot a.
A ni chu hlimna le lawmna in a sip chieng kher el Joni ta ding chun, an kawl le vela mi an um ti reng khawm dawnsak lo chun Jimmy leh chun hun an hmanga, mikhuol ditum chu ani ngei el Joni ta dingin Jimmy chu.

Joni le Jimmy chu school hmunkhata luot in nitin el hin an in zui ta chawt ela, ruol le pai tu dang reng an mamaw in an uksak bik nawh, an pahni chun an khawvel hi a thienghlim in an hawia, ringnaw kar le beisei na khel tienga inruolthatna a inthawk chun hmangaina tupui ah chun Joni chu alo lilut der el tah a, Joni ta ding chun nuhmei awmnem lem ani leiin a hmangai zie thu hril el chu a ngam nawa, kum indaidana le inruolthatna huong suonga um an ni leiin. Ani tel chun Joni chu Jimmy hmangaina tuipui ah chun a lilut inthuk deu deua, kiengzai reng rel loin a ni tel chun a hmangai deu deu ani tak a nih.

Nikhat chu classroom ah hin a huoisena po po sawm khawm in Joni chun a hmangai tak Jimmy ta ding chun a notebook a lekha chu pawr thla in hieng ang hin thu a ziek tah a,
        "Jimmy please say you'll waite for me,
         I'll grow up someday you'll see
         Saving all my kiss just for you
         Signed with love forever true" 
Chu lekha chu Jimmy in a tiem hnung chun a hamhai in, hriethiem harsa ati ngang el, a ruoltha tak a inthawka a lekha dawng chun hrilhai takin a siem chieng kher el, Joni le hmangaina tuipui ah inhlieu kawp ding chun kum tienga naupang te ani lei chun remchanga Jimmy chun a ruot thei nawa.

A lekha a tiem zo chun Joni chu an in tieng a hung ti tukver in awnga inthawk chun Jimmy chun alo hmu theia, a hrilhaina a suok zuol ting el, ieng titaka hrilfie ding am ana tiin Jimmy lungril ah chun ngaituona chu an suol ta bawr bawr el. "Jimmy, Jimmy" tia kawt kik ri a hei hriet chun a lungphu hi an phu rang zawt nghala, kawt ahang hawng chun kawt bula chun nunghakte lungril thienghlim em em, chun amit taka hin alo en chat nghala, bul tan na ding hrelo chun chawmkhat chu iengkhawm hril loiin an in entu chata, a tawpa chun Jimmy chu a tawngsuok thei hrama, "Joni i letter kha kalo hmua" ti po a hril hman ti charin Joni chun, " Jimmy ka hmangai che, kum naupangte kani ti chun kan hmai bik nawh, ka chunga za ngaila, mi nghak hram raw aw Jimmy" tiin ahril ta chawt ela. An pahni chun an re thrup el Jimmy in "Joni" tia a hang ko chun, chu thumal chun Joni hmela lungzingna chu chaw le chil chun hmu theiin an lang nghala, Jimmy awma inbei chun Joni chu dang ruol loin a mitthli chu ruopui angin a sur ta chur chur ela, chu lai chun hieng ang hin Jimmy chu a trawngsuok tah a
   " Joni Joni please don't cry;
      You"ll forget me by and by
     Your just 15, I'm 22, Joni i just can't  
      can't waite for you"
Khani kha ni ngei a tih Joni le Jimmy hai ta ding hun pik le hun ditumlo chu, ni hai a liem a, Jimmy khawm chun Joni le an tuolchaina khuo chu suoksan zai a rel khawpui tieng chun sinthawa umhmun khuor din an singsa fela.

Kum hai an vawi hnung khawm chun Jimmy chun Joni lekha ah thuziek hai chu theinghil reng a thei nawh, nitin el hin a lungril le ngaituona hai chu Joni trawngbau khan a hnawtzui zing el si. Chamlo chun Jimmy chun a hrietnaw kar chun Joni chu alo hmangai ta zing ti an hrietsuoka, a thumhnaw hai siem in an khuo tieng kira a lungril indiktak chu a hmangai em em Joni hril, innei dinga fiel din thutlukna a siem fel tah a. Phur le hlim taka an veng a hei tlung chun, Joni hai in tieng chu hlim em em in tieng chun a tlan pheia.

i Amiruokchu thil umdan hai anlo inthlak ta rup el,Jimmy mit a chun lungril nat leiia luong suok mithli chu ruosur ang el chun Joni thuril hieng anga a hriet hnung chun a thla tah a.
        "Jimmy Jimmy please don't cry
         You"ll forget me by and bye
         It's been five years since you've been 
         gone
         Jimmy i married your best friend John"